'ஸ்கெட்ச்' படத்தை பார்த்து ரஜினி என்ன கூறினார் தெரியுமா?
விக்ரம், தமன்னா நடிப்பில் விஜய்சந்தர் இயக்கிய 'ஸ்கெட்ச்' திரைப்படம் கடந்த 12ஆம் தேதி வெளிவந்து நல்ல வசூலை பெற்று வருகிறது. இந்த படத்திற்கு கோலிவுட் திரையுலகினர் பலர் பாராட்டுக்களை தெரிவித்த நிலையில் நேற்று இந்த படம் ரஜினிக்காக சிறப்பு காட்சி திரையிடப்பட்டது
இந்த படத்தின் தயாரிப்பாளர் கலைப்புலி எஸ்.தாணு அவர்களுடன் 'ஸ்கெட்ச்' திரைப்படத்தை முழுமையாக பார்த்த ரஜினிகாந்த் படக்குழுவினர்களை வெகுவாக பாராட்டினார். குறிப்பாக கடைசி முப்பது நிமிட காட்சிகள் மிக அருமை என்றும் நல்ல மெசேஜூடன் கூடிய கிளைமாக்ஸ் தன்னை மிகவும் கவர்ந்ததாகவும் தெரிவித்தார்.
'ஸ்கெட்ச்' படத்தை பார்த்து பாராட்டு தெரிவித்த ரஜினிக்கு தான் நன்றி கூறி கொள்வதாக இயக்குனர் விஜய்சந்தர் தனது டுவிட்டரில் கூறியுள்ளார்.
