கார்த்திக் சுப்பராஜின் அடுத்த படத்தில் மாதவன்!
தமிழ் சினிமாவில் அலைபாயுதே திரைப்படத்தின் மூலம் கதாநாயகனாக அறிமுகமானார் மாதவன். அடுத்தடுத்து அவர் நடித்த லேசா லேசா, மின்னலே மற்றும் ரன் ஆகிய திரைப்படங்கள் அவரை சாக்லேட் ஹீரோவாக்கியது. ஆனால் ஒரு கட்டத்தில் அவர் தன் மார்க்கெட்டை இழக்க, அதன் பின்னர் இறுதிச் சுற்று மற்றும் விக்ரம் வேதா ஆகிய படங்களின் மூலம் கம்பேக் கொடுத்தார்.
ஆனாலும் முன்பு போல தற்போது தொடர்ச்சியாகப் படங்கள் அமையவில்லை. இப்போது மித்ரன் ஜவஹர் இயக்கத்தில் ‘அதிர்ஷ்டசாலி’ என்ற படத்திலும், ஏ எல் விஜய் இயக்கத்தில் ஒரு படத்திலும் நடிக்கிறார்.
இந்நிலையில் அடுத்து மாதவன் கார்த்திக் சுப்பராஜின் ஸ்டோன்பென்ச் நிறுவனம் தயாரிக்கும் படத்தில் கதாநாயகனாக நடிக்க ஒப்பந்தமாகியுள்ளதாக சொல்லப்படுகிறது. இந்த படத்தின் ஷூட்டிங் பெரும்பாலும் இலங்கையில் நடக்கவுள்ளதாக சொல்லப்படுகிறது.
