வெள்ளி, 29 மார்ச் 2024
  1. பொழுதுபோக்கு
  2. சினிமா
  3. சினிமா செய்தி
Written By
Last Modified: திங்கள், 12 நவம்பர் 2018 (19:51 IST)

'ஒரு விரல் புரட்சியின் மர்ம ரகசியம்' வைரலாகும் வீடியோ

விஜய் நடித்த 'சர்கார்' படத்தில் இடம்பெற்றிருந்த சர்ச்சைக்குரிய காட்சியான தமிழக அரசு கொடுத்த இலவச பொருட்களான மிக்ஸி, கிரைண்டர் ஆகிய பொருட்களை எரிக்கும் காட்சி அதிமுகவினர்களின் போராட்டம் காரணமாக நீக்கப்பட்டது என்பது தெரிந்ததே.

இதனையறிந்த விஜய் ரசிகர்கள் பலர் தங்கள் வீடுகளில் உள்ள தமிழக அரசு கொடுத்த இலவச பொருட்களை தீயில் போட்டும், ரோட்டில் உடைத்தும் அதனை வீடியோவாக எடுத்து சமூக வலைத்தளங்களில் பதிவு செய்து வருகின்றனர். இந்த ஒருவிரல் புரட்சி தமிழகத்தின் பல பகுதிகளில் விஜய் ரசிகர்கள் செய்து வருவதாக கூறப்பட்டது.

இந்த நிலையில் இந்த ஒரு விரல் புரட்சி குறித்த வீடியோ ஒன்று தற்போது இணையத்தில் வலம் வருகிறது. ஒரு விஜய் ரசிகர் இரண்டு மிக்ஸிகளை உடைப்பதற்காக கொண்டு வருகிறார். அப்போது இன்னொருவர் அந்த மிக்ஸியை வாங்கி பிரித்து பார்த்தபோது உள்ளே ஏதுவும் இல்லாமல் எம்ப்டியாக இருந்தது. உள்ளே உள்ள மோட்டார் உள்பட அனைத்து பொருட்களையும் விற்றுவிட்டு வெறும் மிக்ஸியை மட்டும் உடைத்து ஒருவிரல் புரட்சி செய்ததாக அந்த ரசிகர் கூறுவது போன்று ஒரு வீடியோ இணையத்தில் வலம் வருகிறது. ஒருவேளை விஜய் ரசிகர்கள் உடைத்த பொருட்கள் அனைத்தும் இப்படித்தான் இருந்திருக்குமோ? என்ற சந்தேகமும் எழுவதில் வியப்பில்லை