விஜய் சேதுபதி மிஷ்கின் இணையும் படத்தின் கதை இதுதானா… கசிந்த தகவல்!
பிசாசு 2 படத்தில் இணைந்து பணியாற்றிய மிஷ்கின் மற்றும் விஜய் சேதுபதி இப்போது ஒரு முழுநீளப் படத்தில் இணைந்து பணியாற்ற உள்ளனர். இந்த படத்தை கலைப்புலி எஸ் தாணு தயாரிக்கிறார் . இந்த படம் பிப்ரவரியிலேயே தொடங்கும் என சொல்லப்பட்டது. ஆனால் இன்னும் தொடங்கப்படவில்லை. இப்போது முன் தயாரிப்புப் பணிகள் நடப்பதாக சொல்லப்படுகிறது.
அக்டோபர் மாதத்தில் இந்த படத்தின் முதல் கட்ட ஷூட்டிங் தொடங்கி நடக்க உள்ளதாக சொல்லப்பட்டது. ஆனால் விஜய் சேதுபதி வேறு சில படங்களில் நடித்து வருவதால் இந்த படத்துக்கு தேதிகள் ஒதுக்காமல் இருந்தார். இந்நிலையில் இப்போது அவர் தேதிகள் ஒதுக்கியுள்ளதாகவும் நவம்பர் இரண்டாம் வாரத்தில் முதல் கட்ட ஷூட்டிங் நடக்க உள்ளதாகவும் தகவல்கள் வெளியாகியுள்ளன.
இந்நிலையில் இந்த படத்தின் கதைக்களம் பற்றிய தகவல் ஒன்று வெளியாகியுள்ளது. கோயம்புத்தூரில் இருந்து சென்னை செல்லும் ரயில் ஒன்றில் வெடிகுண்டு வைக்கப்பட்டு இருக்க, அதை வெடிக்காமல் செயலிழக்க வைத்து போராடும் ஒருவனின் கதை என சொல்லப்படுகிறது.
