பிரபுதேவா நடிக்கும் ‘ரேக்ளா’ படத்தில் பிரபல இயக்குனர்?… சுவாரஸ்ய தகவல்!
தமிழ் சினிமாவில் பிசியாக நடித்துக் கொண்டிருக்கும் நடிகர்களில் ஒருவர் பிரபுதேவா என்பதும் அவர் ஒரே நேரத்தில் பல திரைப்படங்களை தற்போது நடித்து வருகிறார் என்பதும் குறிப்பிடத்தக்கது. இந்த நிலையில் பிரபுதேவா நடிக்கும் அடுத்த படத்தின் அறிவிப்பு வெளியாகியுள்ளது. பிரபுதேவா நடிப்பில், அன்பு இயக்கத்தில் ஜிப்ரான் இசையில் உருவாகவிருக்கும் திரைப்படத்தின் டைட்டில் ரேக்ளா என்று அறிவிக்கப்பட்டுள்ளது
இந்த படத்தின் டைட்டில் மோஷன் போஸ்டர் வீடியோ சில மாதங்களுக்கு முன் வெளியாகி கவனத்தைப் பெற்றது. இந்நிலையில் இந்த படத்தைப் பற்றிய சுவாரஸ்யமான தகவல் ஒன்று வெளியாகியுள்ளது. படத்தில் இயக்குனர் மிஷ்கின் ஒரு கௌரவ வேடத்தில் நடித்துள்ளாராம். சில நிமிடங்களே வந்தாலும் கதையின் போக்கையே மாற்றும் கதாபாத்திரமாக அவரது கதாபாத்திரம் இருக்கும் என்று சொல்லப்படுகிறது.
