மூடர்கூடத்திலிருந்து வெளியே வரும் சென்றாயனுக்கு வாழ்த்துக்கள்- நவீன் டிவிட்
பிக்பாஸ் வீட்டிலிருந்து இந்த வாரம் சென்ட்ராயன் வெளியேறி உள்ளார்.
இந்த வார எலிமினேஷன் லிஸ்டில் ஜனனி ஐயர், மும்தாஜ், சென்றாயன், ஐஸ்வர்யா, விஜயலட்சுமி ஆகியோர் இருந்தனர்.இவர்களில் ஐஸ்வர்யா வெளியேற்றப்படுவார் என்று பலரும் நினைத்தனர், யாரும் எதிர்பார்க்காத விதத்தில் சென்றாயன் வெளியேற்றப்பட்டார்.
இந்நிலையில், இதுகுறித்து தனது டுவிட்டரில் கருத்து பதிவிட்டுள்ள இயக்குநர் நவீன். 'வாடா தம்பி சென்றாயா. வந்து பொழப்ப பாரு. பிக்பாஸ் எனும் மூடர்கூடத்திலிருந்து வெளியே வரும் சென்றாயனுக்கு வாழ்த்துக்கள்' என்று தெரிவித்துள்ளார்.
நவீன் இயக்கிய மூடர் கூடம் படத்தில் நவினுடன் சேர்ந்து செண்ட்ராயனும் நடித்துள்ளார் என்பது குறிப்பிடத்தக்கது.
