மாதவன் நடிக்கும் வெப் சீரிஸை தயாரிக்கும் கார்த்திக் சுப்பராஜ்!
தமிழ் சினிமாவின் முன்னணி நடிகரான மாதவன் கடந்த சில ஆண்டுகளாக ஒவ்வொரு படத்துக்கும் இடையே அதிக இடைவெளி எடுத்துக் கொள்கிறார். கடைசியாக இஸ்ரோ விஞ்சானி நம்பி நாராயணனின் பயோபிக் படமான ராக்கெட்ரி படத்தில் நடித்து இயக்கி இருந்தார் மாதவன். இந்த படம் கடந்த ஆண்டு ஜூலை 1 ஆம் தேதி ஐந்து மொழிகளில் ரிலீஸ் ஆனது. திரைப்படம் வெளியாகி ரசிகர்கள் மத்தியில் நல்ல வரவேற்பைப் பெற்றது.
ஆனால் எதிர்பார்த்த அளவுக்கு பெரிய அளவில் வசூல் செய்யவில்லை. பேன் இந்தியா ரிலீஸ் என்பதால் பெரிய அளவில் நஷ்டம் இருக்காது என சொல்லப்படுகிறது. பின்னர் படம் ஓடிடியிலும் வெளியாகி ஹிட் ஆனது. இதையடுத்து அவர் தற்போது மித்ரன் ஆர் ஜவஹர் இயக்கும் ‘அதிர்ஷ்டசாலி’ படத்தில் நடித்து முடித்துள்ளார்.
இதையடுத்து அவர் கார்த்திக் சுப்பராஜின் ஸ்டோன் பென்ச் நிறுவனம் தயாரிக்கும் புதிய வெப் சீரிஸ் ஒன்றில் நடிக்கவுள்ளார். இந்த சீரிஸை சாருகேசி சேகர் என்பவர் இயக்கவுள்ளார். மிகப்பெரிய பொருட்செலவில் இந்த சீரிஸ் உருவாக உள்ளதாக சொல்லப்படுகிறது.
