துருவ நட்சத்திரம் சிக்கலில் மாட்டிய போது யாருமே கண்டுக்கலை… கௌதம் மேனன் ஆதங்கம்!
கௌதம் மேனன் இயக்கம் மற்றும் தயாரிப்பில் உருவாகியுள்ள திரைப்படம் துருவ நட்சத்திரம். ஆனால் பைனான்ஸ் பிரச்சனைகள் காரணமாக 2017 ஆம் ஆண்டு தொடங்கப்பட்ட துருவ நட்சத்திரம் படம் பல பிரச்சனைகளைக் கடந்து கடந்த 2023 ஆம் ஆண்டு நவம்பர் 24 ஆம் தேதி ரிலீஸ் ஆகும் என அறிவிக்கப்பட்டு இருந்தது. ஆனால் பொருளாதார பிரச்சனைகள் காரணமாக ரிலீஸ் ஆகவில்லை.
இப்போது வரை அந்த படம் ரிலீஸ் ஆகுமா ஆகாதா என்பது கேள்விக்குறியாக உள்ளது. பலமுறை ரிலீஸ் தேதி அறிவிக்கப்பட்டும் அந்த படம் ரிலீஸாகாததால் சமூகவலைதளங்களில் ஒரு ட்ரோல் மெட்டீரியலாகவே மாறியுள்ளது.
இந்நிலையில் தற்போது அந்த படம் குறித்து பேசியுள்ள கௌதம் மேனன் “அந்த படம் ரிலீஸாகாமல் சிக்கலில் மாட்டிய போது என்னை விசாரித்தது தயாரிப்பாளர் தாணு மற்றும் இயக்குனர் லிங்குசாமி ஆகியோர் மட்டும்தான். ரசிகர்கள் தொடர்ந்து கொடுக்கும் அன்புதான் என்னை இயங்க வைக்கிறது” எனக் கூறியுள்ளார்.
