பழைய ஸ்பைடர்மேன்களை வெச்சு இன்னொரு படம்? – ட்விட்டரில் நச்சரிக்கும் ரசிகர்கள்!
ஸ்பைடர்மேன் நோ வே ஹோம் படத்தில் மூன்று ஸ்பைடர்மேன்கள் தோன்றிய நிலையில் அவர்களை வைத்து புதிய படம் வேண்டும் என ரசிகர்கள் கோரிக்கை விடுக்க தொடங்கியுள்ளனர்.
மார்வெல் சூப்பர்ஹீரோ படங்களில் பெரிதும் எதிர்பார்க்கப்பட்ட ஸ்பைடர்மேன் நோ வே ஹோம் கடந்த வாரம் ரிலீஸான நிலையில் பலரும் படத்தை பார்த்து ட்ரெண்ட் செய்து வருகின்றனர். இந்நிலையில் உலக அளவில் ரூ.4500 கோடி ரூபாய் பணம் வசூலித்துள்ளது.
இந்த படத்தில் பழைய சோனியின் ஸ்பைடர்மேன்களாக நடித்த டோபி மெக்குரே மற்றும் ஆண்ட்ரூ கார்பீல்டு ஆகியோரின் வருகையும் படத்தின் வெற்றிக்கு முக்கிய காரணமாக கருதப்படுகிறது. இந்நிலையில் டோபி மெக்குரேவை வைத்து ஸ்பைடர்மேன் 4ம் பாகம் எடுக்க வேண்டும் என்றும், ஆண்ட்ரூ கார்பீல்டை வைத்து தி அமேசிங் ஸ்பைடர்மேன் 3ம் பாகம் எடுக்க வேண்டும் என்றும் ஸ்பைடர்மேன் ரசிகர்கள் ட்விட்டரில் படையெடுக்க தொடங்கியுள்ளனர். கிறிஸ்துமஸ் அன்று உலக அளவில் ஆண்ட்ரூ கார்பீல்டின் அமேசிங் ஸ்பைடர்மேன் 3ம் பாகம் எடுக்க வலியுறுத்தி மிகப்பெரும் ஹேஷ்டேக் ட்ரெண்டை நடத்த உலகளாவிய ஸ்பைடர்மேன் ரசிகர்கள் திட்டமிட்டுள்ளனர்.
