ரிலீசுக்கு முன்பே லாபத்தை வாரி சாத்தும் சூரரை போற்று... எத்தனை கோடி தெரியுமா?
இயக்குனர் சுதா கொங்கரா இயக்கத்தில் சூர்யா நடித்துள்ள படம் 'சூரரை போற்று'. விமானி ஒருவரின் உண்மை கதையை தழுவி எடுக்கப்படும் இந்த படம் ரசிகர்களிடையே பெரும் எதிர்பார்ப்பை ஏற்படுத்தியுள்ளது. இந்த படத்தின் ஆடியோ வெளியீடு தமிழ் சினிமாவிலேயே முதல்முறையாக நடுவானில் விமானத்தில் நடத்தப்பட்டது.
மேலும், இப்படத்தின் பாடல்கள் அனைத்தும் சூப்பர் ஹிட் அடித்து பெரும் எதிர்பார்ப்பை கிளப்பியுள்ளது. மே 1ம் தேதி வெளியாவதாக கூறப்பட்ட இப்படம் கொரோனா ஊரடங்கினால் ரிலீஸ் தேதி தள்ளி சென்றது. ஆனால், படத்தின் வியாபாரம் விறு விறுப்பாக நடந்து வருகிறது.
இந்நிலையில் 5 கோடி ரூபாய் பட்ஜெட்டில் உருவான சூரரைப்போற்று படம் 100 கோடிக்கு வியாபாரம் ஆகி இருப்பதாக தகவல் வெளியாகியுள்ளது. முதலீட்டை விட லாபம் அதிகம் ஈட்டியிருப்பதை பார்த்து கோலிவுட் வியப்பில் ஆழ்ந்துள்ளது.
