ரோட்டர்டாம் திரைப்பட விழாவில் பாராட்டுகளைப் பெற்ற ராமின் “பறந்து போ” திரைப்படம்!
இயக்குனர் ராம், நிவின் பாலி நடிப்பில் சுரேஷ் காமாட்சி தயாரித்துள்ள ‘ஏழு கடல் ஏழு மலை’ என்ற படத்தை இயக்கி முடித்துள்ளார். இந்த படத்தில் சூரி மற்றும் அஞ்சலி ஆகியோர் முக்கியக் கதாபாத்திரத்தில் நடித்துள்ளனர். படம் ரோட்டர்டாம் சர்வதேச திரைப்பட விழாவில் திரையிடப்பட்டு பாராட்டுகளைப் பெற்றது. மார்ச் மாதம் ரிலீஸாகவுள்ளதாக அறிவிக்கப்பட்டுள்ளது.
இதையடுத்து ராம் இயக்கியுள்ள ‘பறந்து போ’ படத்தில் மிர்ச்சி சிவா, அஞ்சலி, விஜய் யேசுதாஸ் உள்ளிட்ட பலர் நடித்துள்ளனர்.. இந்த படத்தை இயக்குனர் ராம் தயாரிக்க, டிஸ்னி ப்ளஸ் ஹாட்ஸ்டார் நிறுவனம் பைனான்ஸ் செய்கிறது. இந்த படத்தின் ஷூட்டிங் முடிந்து தயாரான நிலையில் தற்போது ரோட்டர்டாம் சர்வதேச திரைப்பட விழாவில் கலந்துகொள்ள தேர்வாகியது.
இந்நிலையில் நேற்று அந்த படம் ரோட்டர்டாம் திரைப்பட விழாவில் திரையிடப்பட்டுள்ளது. படம் முடிந்த பின்னர் பார்வையாளர்கள் படத்தைக் கைதட்டி பாராட்டியுள்ளனர். இது சம்மந்தமான புகைப்படங்கள் மற்றும் வீடியோக்கள் இணையதளங்களில் பரவி வருகின்றன.
