பொன்னியின்செல்வன் டைட்டில்: மணிரத்னத்திற்கு நோட்டீஸ் அனுப்பிய வழக்கறிஞர்கள்

பொன்னியின் செல்வன் டைட்டிலை PS1என சுருக்கி வைத்ததற்காக மணிரத்னம் உள்பட படக்குழுவினர்களுக்கு கோவை வழக்கறிஞர்கள் நோட்டீஸ் அனுப்பி உள்ளதாக தகவல் வெளியாகி உள்ளது 

பொன்னியின் செல்வன்  திரைப்படம் தமிழ் உள்பட 5 மொழிகளில் வெளியாக உள்ளது. அதனால் அந்த படத்தின் டைட்டில் ஃபர்ஸ்ட் லுக் போஸ்டரில் PS1 என்று குறிப்பிடப்பட்டு வந்தது 

இந்த நிலையில் பொன்னியின் செல்வன் என்பது சோழர் காலத்தில் உள்ள மன்னர்களையும் வீரர்களையும் குறிப்பிடும் கதை என்றும் ஆனால் இந்த கதைக்கான டைட்டில் PS1என்று குறிப்பிடப்பட்டிருப்பது தவறு என்றும் இது மதப்போரை குறிப்பிடும் வகையில் உள்ளதாகவும் கோவை வழக்கறிஞர்கள் கூறியுள்ளனர் 

இதுகுறித்து மணிரத்னம், தயாரிப்பாளர் சுபாஸ்கரன் உள்ளிட்டோருக்கு நோட்டீஸ் அனுப்பி இருப்பதாகவும் தெரிவித்துள்ளனர். இதுகுறித்து ’பொன்னியின் செல்வன் படக்குழுவினர் கூறும்போது இது ஒரு பான் இந்தியா திரைப்படம் என்பதால் பொன்னியின் செல்வன் தலைப்பை சுருக்கி ஆங்கிலத்தில் PS1என்று குறிப்பிடப்பட்டுள்ளதாக தெரிவித்துள்ளனர்

Edited by Mahendran