அஜித்தால் தாமதம் ஆகும் விடாமுயற்சி.. அப்போ பொங்கல் ரிலீஸும் இல்லையா?
அஜித், இப்போது மகிழ் திருமேனி இயக்கும் விடாமுயற்சி மற்றும் ஆதிக் இயக்கும் ‘குட் பேட் அக்லி’ஆகிய திரைப்படங்களில் நடித்து வருகிறார். விடாமுயற்சி படத்தின் ஷூட்டிங் சில மாதங்களாக லைகா நிறுவனத்தின் பொருளாதார பிரச்சனை காரணமாக நிறுத்தி வைக்கப்பட்ட நிலையில் மீண்டும் தொடங்கி நிறைவடைந்துள்ளது.
படத்தில் அஜித்தோடு, அர்ஜுன், ஆர்வ, த்ரிஷா, ரெஜினா உள்ளிட்ட பலர் நடித்துள்ளனர். ஓம் பிரகாஷ் ஒளிப்பதிவாளராகப் பணியாற்ற அனிருத் இசையமைக்கிறார். படத்தின் ரிலீஸ் தேதி குறித்த பல்வேறு ஊகங்கள் எழுந்துள்ள போதும், இதுவரை படக்குழு உறுதியாக ரிலீஸ் தேதியை அறிவிக்கவில்லை.
படத்தில் இன்னும் சில முக்கியமானக் காட்சிகள் மட்டும் படமாக்கப் படவேண்டியுள்ளதாம். அதற்காக படக்குழு திட்டமிட்டு வந்த நிலையில் அஜித்திடம் இருந்து கால்ஷீட் வந்து சேரவில்லையாம். அவர் அடுத்த மாதம்தான் தேதிகள் கொடுப்பேன் என சொல்லிவிட்டதால் இப்போது படப்பிடிப்பு மேலும் தாமதம் ஆகியுள்ளது. இதனால் பொங்கலுக்கும் விடாமுயற்சி ரிலீஸ் ஆவது சந்தேகம்தான் என சொல்லப்படுகிறது.
