வடிவேல் பாலாஜி உடலுக்கு அஞ்சலி செலுத்திய உதயநிதி ஸ்டாலின்!

Last Modified வெள்ளி, 11 செப்டம்பர் 2020 (16:18 IST)

நகைச்சுவை கலைஞர் வடிவேலு பாலாஜியின் உடலுக்கு நடிகர் உதயநிதி ஸ்டாலின் அஞ்சலி செலுத்தியுள்ளார்.

கலக்கப்போவது யாரு நிகழ்ச்சியின் மூலம் பிரபலமானவர் நடிகர் வடிவேல் பாலாஜி. வடிவேலு போன்ற தோற்றம் கொண்ட பாலாஜி தன் உடல்மொழியையும் வடிவேலு போல மாற்றிக்கொண்டு நகைச்சுவை நிகழ்ச்சிகளில் நடித்து வந்தார்.இவருக்கு கடந்த 15 நாட்களுக்கு முன் திடீரென ஏற்பட்ட உடல்நலக்குறைவால் தனியார் மருத்துமனையில் அனுமதிக்கப்பட்டு சிகிச்சை பெற்று வந்தார்.
தொடர்ந்து தனியார் மருத்துவமனையில் சிகிச்சை பெற வசதி இல்லாததால் சென்னை ராஜீவ் காந்தி மருத்துவமனையில் சிகிச்சைக்கு மாற்றப்பட்டார். இந்நிலையில் சிகிச்சை பலனின்றி இன்று மருத்துவமனையிலே இறந்துவிட்டார்.
அவரது மறைவுக்கு அவரின் சக சின்னத்திரை கலைஞர்கள் அஞ்சலியை செலுத்தி வருகின்றனர்.

இந்நிலையில் நடிகரும் திமுக இளைஞரணிச் செயலாளருமான உதயநிதி ஸ்டாலின் சேத்துப்பட்டில் இருக்கும் வடிவேலு பாலாஜியின் வீட்டுக்கு நேரில் சென்று அஞ்சலி செலுத்தியுள்ளார்.



இதில் மேலும் படிக்கவும் :