கொரோனாவால் மீண்டும் மருத்துவராக மாறிய நடிகர்! குவியும் பாராட்டுகள்!
பாலிவுட் நடிகரான ஆஷிஷ் கோகலே நடிப்பில் இருந்து தற்காலிக விடுப்பு எடுத்துக் கொண்டு மீண்டும் மருத்துவராகப் பணிபுரிய ஆரம்பித்துள்ளார்.
பாலிவுட் சினிமாவில் கப்பார் இஸ் பேக் என்ற படத்தின் மூலம் புகழ்பெற்ற நடிகரானார் ஆசிஷ் கோகலே. இவர் ஒரு மருத்துவர் ஆவார். நடிப்பின் மீது கொண்ட ஆர்வம் காரணமாக மருத்துவப் பணியில் இருந்து விலகி இருந்தார்.
ஆனால் தற்போது நாட்டில் கொரோனா பாதிப்பால் மருத்துவர்களின் தேவை அதிகமாகியுள்ள நிலையில் மீண்டும் தான் முன்பு பணிபுரிந்த மருத்துவமனையிலேயே மருத்துவராக சேர்ந்து பணியாற்ற உள்ளார். அவரது இந்த செயலுக்கு ரசிகர்களிடம் இருந்து பாராட்டுகள் குவிந்து வருகின்றன.
