மகளிர் உலகக்கோப்பை கிரிக்கெட்: அரை இறுதியை உறுதி செய்யுமா இந்தியா
இங்கிலாந்தில் நடைபெற்று வரும் மகளிர் உலகக்கோப்பை கிரிக்கெட் போட்டியின் இன்றைய ஆட்டத்தில் இந்திய அணி, தென்னாப்பிரிக்கா அணியுடன் மோதவுள்ளது.
ஏற்கனவே இதுவரை இந்திய மகளிர் அணி நான்கு போட்டிகளில் விளையாடி அனைத்திலும் வெற்றி பெற்றுள்ளதால் 8 புள்ளிகள் எடுத்துள்ளது. இருப்பினும் ஆஸ்திரேலியா அணி ரன்ரேட் விகிதப்படி முதலிடத்தில் உள்ளது.
இந்த நிலையில் இன்றைய போட்டியில் இந்திய மகளிர் அணி தென்னாப்பிரிக்காவை வென்றுவிட்டால் அரையிறுதிக்கு தகுதி பெற்றுவிடும் என்பது குறிப்பிடத்தக்கது. ஆனால் அதே நேரத்தில் தென்னாப்பிரிக்கா இந்த போட்டியில் தோல்வி அடைந்தால் அந்த அணிக்கு அரையிறுதி வாய்ப்பு குறைவு என்பதும் குறிப்பிடத்தக்கது.
இந்த போட்டி இந்திய நேரப்படி மாலை 3 மணிக்கு தொடங்குகிறது. டவுன்டானில் நடைபெறும் மற்றொரு ஆட்டத்தில் பாகிஸ்தான்–நியூசிலாந்து அணிகள் சந்திக்கின்றன.
