அதான் தேமுதிக விலகிடுச்சே…. எங்களுக்குக் கொஞ்சம் சேத்துக் கொடுங்க! அதிமுகவை நெருக்கும் கூட்டணிக் கட்சிகள்!
அதிமுக கூட்டணியில் இருந்து தேமுதிக விலகியதால் கூட்டணி கட்சிகள் சீட்டுகளை அதிகமாகக் கேட்பதாக சொல்லப்படுகிறது.
அதிமுக கூட்டணியில் இருந்த தேமுதிக கடைசி நேரத்தில் விலகியது. தேமுதிக 23 தொகுதிகள் வரைக் கேட்டதாகவும் அதிமுக 13 தொகுதிகளுக்கு மேல் தர மறுத்ததால் தேமுதிக விலகியுள்ளது. இந்நிலையில் தேமுதிகவுக்காக தொகுதிகள் ஒதுக்கவேண்டும் என்றுதான் கூட்டணிக் கட்சிகளுக்கு குறைத்துக் கொடுக்கப்பட்டதாக சொல்லப்படுகிறது.
அதனால் இப்போது தேமுதிக விலகிவிட்டதால் அந்த தொகுதிகளை எங்களுக்குப் பிரித்துக் கொடுங்கள் எனக் கூட்டணிக் கட்சிகள் அதிமுகவிடம் கோரிக்கை வைத்துள்ளதாக சொல்லப்படுகிறது. அதிமுக என்ன முடிவு எடுக்கப் போகிறது என்பதை பொருத்திருந்து பார்க்கலாம்.
