தொடர்புடைய செய்திகள்
- தமிழக அமைச்சரவை ’கிரிமினல் கேபினேட்டாக’ உள்ளது - ஸ்டாலின்
- பாஜக செய்தது அருவருக்கத்தக்கது! – கூட்டணி தர்மத்தை தூக்கி எறிந்த ராமதாஸ்!
- அந்த பயம் இருக்கட்டும்... பச்சா பாஜகவை பங்கமாய் கலாய்த்த ஸ்டாலின்!
- ஸ்டாலின் மீது வழக்குப் பதிவு..
- மணியம்மையின் தந்தையான ஈவேராவின் நினைவு தினமான இன்று – சர்ச்சையை கிளப்பிய தமிழக பாஜக !
லேட்டாய் பொங்கிய தினகரன்: ஆக மொத்ததுல பெரியாருக்காக பொங்கிட்டாரு...
கொள்கை மாறுபாடுகள் இருந்தாலும் மறைந்த தலைவர்களைப் பற்றி மோசமாக பேசுவது தவறு என பாஜவுக்கு டிடிவி தினகரன் கண்டனம்.
இன்று பெரியார் என்றழைக்கப்படும் ஈ.வே.ராமசாமியின் 46வது நினைவு தினம் திராவிட கட்சிகளால் அனுசரிக்கப்படுகிறது. இந்நிலையில் இதுகுறித்து தனது அதிகாரப்பூர்வ ட்விட்டர் பக்கத்தில் தமிழக பாஜக பெரியார் – மணியம்மை திருமணத்தை சர்ச்சைக்குரிய வகையில் பதிவிட்டுள்ளது.
பின்னர் பலரின் எதிர்ப்புக்களால் அந்த பதிவை பாஜக நீக்கியது. இருப்பினும் பாமக தலைவர் ராமதாஸ், திமுக தலைவர் ஸ்டாலின், மதிமுக தலைவர் வைகோ ஆகியோர் கண்டனம் தெரிவித்துள்ளனர். இந்நிலையில் டிடிவி தினகரனும் பாஜகவுக்கு கண்டனம் தெரிவித்துள்ளார்.
டிடிவி தினகரன் தனது டிவிட்டரில் பதிவிட்டதாவது, தந்தை பெரியாரின் நினைவு நாளில் அவரை இழிவுப்படுத்தும் விதமாக தமிழக பா.ஜ.கவினர் ட்வீட் செய்ததை வன்மையாக கண்டிக்கிறேன்.
கொள்கை மாறுபாடுகள் இருந்தாலும் மறைந்த தலைவர்களைப் பற்றிய இத்தகைய மோசமான தாக்குதல்கள் ஆரோக்கியமான அரசியலுக்கு நல்லதல்ல.
சர்ச்சை எழுந்தவுடன் அந்த பதிவு நீக்கப்பட்டுவிட்டாலும் எதிர்காலத்தில் இத்தகைய சூழல் ஏற்படாமல் பார்த்துக்கொள்ள வேண்டிய பொறுப்பு பாரதிய ஜனதா கட்சி தலைமைக்கு இருக்கிறது என குறிப்பிட்டுள்ளார்.
