இது முதல் வெற்றிதான்; 50% இட ஒதுக்கீடு போராட்டம் தொடரும்! – டெல்லியில் டி.ஆர்.பாலு!

Prasanth Karthick| Last Modified வெள்ளி, 30 ஜூலை 2021 (11:49 IST)
மருத்துவ படிப்புகளில் அகில இந்திய கோட்டாவில் ஓபிசி பிரிவனருக்கு 27% இடஒதுக்கீடு வழங்கபட்டுள்ளது குறித்து டி.ஆர்.பாலு கருத்து தெரிவித்துள்ளார்.

இந்தியாவில் நடப்பு ஆண்டில் மருத்துவ படிப்புகளில் இளங்கலை மற்றும் முதுகலை படிப்புகளில் ஓபிசி மாணவர்களுக்கு 27% இடஒதுக்கீடு வழங்கி மத்திய அரசு அறிவித்துள்ளது. இதற்கு பலரும் வரவேற்பு தெரிவித்துள்ள நிலையில் iந்த இடஒதுக்கீட்டிற்காக திமுக பிரயத்தனங்கள் மேற்கொண்டதாக மு.க.ஸ்டாலினையும் பலர் பாராட்டி வருகின்றனர்.

இந்நிலையில் இதுகுறித்து கருத்து தெரிவித்துள்ள டி.ஆர்.பாலு “27% இடஒதுக்கீட்டிற்காக நீதிமன்றங்களிலும், பாராளுமன்றத்திலும் தொடர்ந்து திமுக குரல் எழுப்பியது; முதலமைச்சர் மு.க.ஸ்டாலின் அவர்களும் தொடர்ந்து பிரதமருக்கு கடிதமும், நேரில் சென்று கோரிக்கையும் வைத்தார். இது ஒட்டுமொத்த இந்தியாவுக்கு கிடைத்த மிகப்பெரிய வெற்றி. இது முதல் வெற்றி; பிற்படுத்தப்பட்ட மாணவர்களுக்கான 50% இடஒதுக்கீடுக்காக தொடர்ந்து போராடுவோம்” என தெரிவித்துள்ளார்.



இதில் மேலும் படிக்கவும் :