மாநிலக்கட்சிகள் இல்லாமல் காங்கிரஸ் ஆட்சிக்கு வரமுடியாது: டி.ஆர்.பாலு

மாநில கட்சிகளின் ஆதரவு இல்லாமல் காங்கிரஸ் மத்தியில் ஆட்சி செய்ய முடியாது என்றும் ஆட்சி அமைக்கவும் முடியாது என்றும் திமுக எம்பி டிஆர் பாலு தெரிவித்துள்ளார் 

நாடாளுமன்றம் நேற்று ஒத்திவைக்கப்பட்ட பின்னர் நாடாளுமன்ற திமுக தலைவர் டிஆர் பாலு பேட்டியளித்தார். அப்போது அவர் கூறிய போது ’அதானி பிரச்சினையில் நாடாளுமன்ற கூட்டுக்குழு அமைக்க வேண்டும் என எதிர்க்கட்சி உறுப்பினர்கள் கேட்டு வந்தோம், பதில் இல்லை என்று குற்றம் சாட்டினார். 

மேலும் எரியும் நெருப்பில் எண்ணெயை ஊற்றியது போல் ராகுல் காந்திக்கு தண்டனை கிடைத்துள்ளது என்றும் மோடி ஆட்சியில் ஜனநாயகம் இல்லை என்றும் நாங்கள் தீர்ப்புக்கு எதிராக போராடவில்லை பிரதமர் மோடிக்கு தான் கண்டனம் தெரிவிக்கிறோம் என்றும் தெரிவித்தார் 

மேலும் எதிர்க்கட்சிகள் 100% ஒற்றுமையுடன் இருந்தால்தான் இந்த ஆட்சியை அகற்ற முடியும் என்றும் மாநில கட்சிகளின் ஆதரவு இல்லாமல் மத்தியில் காங்கிரஸ் ஆட்சிக்கு வர முடியாது என்றும் மாநில கட்சிகளை சேர்த்து காங்கிரஸ் வழி நடத்த வேண்டும் என்பதுதான் திமுகவின் எண்ணம் என்றும் அவர் தெரிவித்தார்.

Edited by Siva