எந்த கொம்பனுக்கும் பயப்பட வேண்டியதில்லை... சண்முகம் ஆவேசம்
தமிழக பாஜக தலைவர் முருகனின் கருத்து குறித்த கேள்விக்கு பதிலளித்தார் அமைச்சர் சண்முகம்.
தமிழகத்தில் அடுத்த ஆண்டு சட்டமன்ற தேர்தல் நடைபெற இருப்பதை அடுத்து இதுவரை தமிழகத்தில் ஒரு எம்எல்ஏ பதவியை கூட பிடிக்காத பாஜக முதல் முறையாக அதிக இடங்களில் போட்டியிட்டு அதிக இடங்களை கைப்பற்ற திட்டமிட்டுள்ளது.
இதனை அடுத்து 2021 ஆம் ஆண்டு சட்டமன்ற தேர்தல் குறித்து ஆலோசனை செய்வதற்காக நவம்பர் 21 ஆம் தேதி மத்திய உள்துறை அமைச்சர் அமித்ஷா சென்னை வருகிறார். சென்னை வரும் அமித்ஷாவுடன் பாஜகவினர் ஆலோசனை கூட்டத்தில் ஈடுபடுவர் என எதிர்ப்பார்க்கப்படுகிறது.
அமித் ஷா வருகை ஆளும்கட்சிக்கு பயத்தை ஏற்படுத்துமா என்பதை பொறுத்திருந்து தான் பார்க்க வேண்டும் என தமிழக பாஜக தலைவர் முருகனின் கருத்து குறித்த கேள்விக்கு பதிலளித்த அமைச்சர் சண்முகம், திமுகவை அழிக்க உருவாக்கப்பட்ட கட்சி அதிமுக. எந்த கொம்பனுக்கும் பயப்பட வேண்டிய சூழல் அதிமுகவுக்கு ஏற்படாது என்று அமைச்சர் சண்முகம் ஆவேசமாக பதிலளித்தார்.
