அதிமுகவில் மக்கள் நீதி மய்யத்தின் மாநில செயலாளர்: அதிர்ச்சியில் கமல்ஹாசன்..!
மக்கள் நீதி மய்யத்தின் மாநில செயலாளர் திடீரென அதிமுகவில் சேர்ந்து உள்ளதை அடுத்து கமல்ஹாசன் அதிர்ச்சி அடைந்துள்ளதாக கூறப்படுகிறது.
தேர்தல் நாள் நெருங்க நெருங்க ஒரு கட்சியில் இருந்து இன்னொரு கட்சிக்கு தாவும் அரசியல்வாதிகளின் எண்ணிக்கை அதிகரித்துக் கொண்டே வருகிறது என்பதை பார்த்து வருகிறோம்.
அந்த வகையில் கமல்ஹாசனின் மக்கள் நீதி மய்யத்தின் சமூக வலைதளம் மற்றும் தகவல் தொழில்நுட்ப பிரிவு மாநில செயலாக இருந்தால் கிருபாகரன் என்பவர் அதிமுக பொதுச் செயலாளர் எடப்பாடி பழனிசாமியை சந்தித்து அதிமுகவில் தன்னை இணைத்துக் கொண்டார்/ இது குறித்த புகைப்படங்கள் இணையத்தில் வைரல் ஆகி வருகிறது.
ஏற்கனவே பாஜகவில் இருந்து காயத்ரி ரகுராம், கௌதமி மற்றும் பாத்திமா அலி ஆகியோர் அதிமுகவில் இணைந்த நிலையில் தற்போது மக்கள் நீதி மய்யத்தின் முக்கிய பொறுப்பாளரும் அதிமுகவில் இணைந்துள்ளது தமிழக அரசியலில் பரபரப்பை ஏற்படுத்தி உள்ளது.
Edited by Mahendran
