1. செய்திகள்
  2. செய்திகள்
  3. த‌மிழக‌ம்
  4. Heavy Rainfall Warning in 15 Tamil Nadu Districts: Red Alert Issued for Some Areas"

இன்றிரவு 15 மாவட்டங்களில் கனமழை.. சில பகுதிகளுக்கு ரெட் அலர்ட்.. வானிலை எச்சரிக்கை..!

Tamil Nadu
தமிழ்நாட்டில் உள்ள 15 மாவட்டங்களில் இன்று இரவு மிதமான மழை முதல் கன மழை வரை பெய்யும் என வானிலை எச்சரிக்கை விடுக்கப்பட்டுள்ள நிலையில், சில இடங்களில் ரெட் அலர்ட் எச்சரிக்கை கொடுக்கப்பட்டுள்ளதாக தகவல் வெளியாகியுள்ளது.

தமிழகத்தில் உள்ள மயிலாடுதுறை, நாகப்பட்டினம், திருவாரூர், தஞ்சாவூர், புதுக்கோட்டை, ராமநாதபுரம், தென்காசி, தேனி ஆகிய பகுதிகளிலும் காரைக்கால் பகுதியிலும் இடி மின்னலுடன் கூடிய மிதமான மழை பெய்யும் என்று அறிவிக்கப்பட்டுள்ளது.

அதேபோல், கடலூர், சிவகங்கை, விருதுநகர், மதுரை, தூத்துக்குடி, திருநெல்வேலி மற்றும் கன்னியாகுமரி மாவட்டங்களில் இடி மின்னலுடன் கூடிய லேசான மழை பெய்யும் என்று அறிவிக்கப்பட்டுள்ளது.

மேலும் தென் தமிழ்நாட்டின் ஓரிரு இடங்களில் இன்று அதிக கன மழைக்கு வாய்ப்பு உள்ளதால் ரெட் அலர்ட் எச்சரிக்கை கொடுக்கப்பட்டுள்ளது என்பது குறிப்பிடத்தக்கது.

முன்னதாக ஆரஞ்சு அலர்ட் எச்சரிக்கை எடுக்கப்பட்ட நிலையில், சற்றுமுன் அது ரெட் அலர்டாக மாற்றப்பட்டுள்ளதாக வானிலை ஆய்வு மையம் தெரிவித்துள்ளது.



Edited by Mahendran
அடுத்த கட்டுரையில்
கள்ளச்சாராய வழக்கில் மேல்முறையீடா? சட்ட அமைச்சர் ரகுபதி முக்கிய தகவல்..!