வரலாறு காணாத வகையில் ரூ.33,328க்கு விற்பனை ஆகும் தங்கம்!

Publish: Mon, 24 Feb 2020 (16:50 IST) Updated: Mon, 24 Feb 2020 (16:52 IST)

வரலாறு காணாத வகையில் தங்கத்தின் விலை உயர்ந்து ரூ.33,328க்கு விற்பனை ஆகிறது. 

உலகளாவிய அளவில் தங்கத்தின் மீதான முதலீடுகள் அதிகமானதால் தங்கத்தின் விலையும் கடந்த சில வாரங்களில் மிக வேகமாக உயர்ந்துள்ளது. விலை அதிகரித்த சூழலில் கடந்த வாரம் ரூ.32,000 தாண்டியது.  

இந்நிலையில் இன்று காலைசென்னையில் 22 கேரட் ஆபரணத் தங்கத்தின் விலை சவரனுக்கு ரூ.224 உயர்ந்து ரூ.32,800க்கு விற்பனை ஆகிறது. அதாவது, ஒரு கிராம் ரூ.4,100க்கு விற்பனை ஆனது.  

ஆனால் தற்போது சென்னையில் 22 கேரட் ஆபரணத் தங்கத்தின் விலை சவரனுக்கு ரூ.752 உயர்ந்து ரூ.33,328க்கு விற்பனை ஆகிறது. ஒரு கிராம் ரூ.94 உயர்ந்து ரூ.4,166க்கு விற்பனை செய்யப்படுகிறது.