இயக்குனர் அமீர் வீட்டில் அமலாக்கத்துறை திடீர் சோதனை.. 2 வருடங்களுக்கு முன் வாங்கிய சொத்து என்ன?

Publish: Tue, 9 Apr 2024 (10:19 IST) Updated: Tue, 9 Apr 2024 (10:21 IST)

சென்னை சேத்துப்பட்டில் உள்ள இயக்குனர் அமீர் வீட்டில் அமலாக்கத்துறை சோதனை செய்து வருவதாக தகவல் வெளியாகியுள்ளது.

சென்னை தி.நகர் அலுவலகத்தில் நடைபெற்று வரும் சோதனையை தொடர்ந்து, சேத்துப்பட்டு முக்தார் கார்டனில் சோதனை செய்து வருவதாகவும், முக்தார் கார்டன் இல்லத்தை 2 வருடங்களுக்கு முன்  அமீர் வாங்கியதாக தகவல்  வெளியானதை அடுத்து இந்த சோதனை நடந்து வருவதாகவும் கூறப்படுகிறது.

இந்த நிலையில் சோதனை செய்ய வந்த அமலாக்கத்துறை அதிகாரிகள் அமீர் வீடு பூட்டியிருந்ததால், 10 நிமிடங்கள் காத்திருந்து பிறகு சோதனையில் ஈடுபட்டதாக கூறப்படுகிறது.  

காலை 7 மணி முதல் சென்னை முழுவதும் 30க்கும் மேற்பட்ட இடங்களில் அமலாக்கத்துறையினர் சோதனை செய்து வருவதாகவும், ரூ.2000 கோடி போதைப்பொருள் கடத்தல் வழக்கில் ஜாபர் சாதிக் கைதான நிலையில், அமலாக்கத்துறை சோதனை தீவிரமாகி உள்ளதாகவும் கூறப்படுகிறது.

Edited by Mahendran