தொடர்புடைய செய்திகள்
- தமிழகத்தில் இன்று எத்தனை மாவட்டங்களில் மழை பெய்யும்: வானிலை எச்சரிக்கை..!
- சென்னை கடற்கரை - தாம்பரம் புறநகர் ரயில் சேவை ரத்து: கூடுதல் பேருந்துகள் இயக்க நடவடிக்கை..!
- ஐதராபாத்தில் தலைமறைவாக இருந்த கஸ்தூரி கைது.. சென்னை போலீசார் அதிரடி..!
- நேற்று உயர்ந்த தங்கம் விலை இன்று மீண்டும் சரிவு.. சென்னை நிலவரம்..!
- இன்று 21 மாவட்டங்களில் மழை பெய்யும்: வானிலை ஆய்வு மையம் அறிவிப்பு..!
சென்னைக்கு ஒரு வாரம் மழை இல்லை: தமிழ்நாடு வெதர்மேன் தகவல்..!
சென்னையில் கடந்த சில நாட்களில் லேசான மழையிலிருந்து மிக கனமழை வரை பதிவான நிலையில், அடுத்த வாரம் முழுவதும் சென்னை மற்றும் அதன் சுற்றுப்புறங்களில் மழை கிடையாது என தமிழ்நாடு வெதர்மேன் பிரதீப் ஜான் தனது சமூக வலைதளத்தில் தெரிவித்துள்ளார்.
சென்னை, காஞ்சிபுரம், செங்கல்பட்டு, திருவள்ளூர் பகுதிகளில் இன்றுதான் சிறிய அளவிலான மழை பெய்ய வாய்ப்பு உள்ளது, அதன் பின்னர் மழை பெய்ய வாய்ப்புகள் இல்லை என பிரதீப் ஜான் கூறினார். ஆனால், இன்று மற்றும் நாளை, டெல்டா மற்றும் தென் தமிழகத்தின் சில பகுதிகளில் மழை இருக்கும் எனவும் குறிப்பாக ஈரோடு, நீலகிரி, மேற்கு மாவட்டங்களில் இன்று மழை பெய்ய வாய்ப்பு உள்ளதாகவும் அவர் தெரிவித்துள்ளார்.
வடகிழக்கு பருவமழை இன்னும் நிறைவடைந்து விடவில்லை, மேலும் பருவமழையின் போது தமிழகத்தில் இன்னும் அதிக மழை பெய்யும் வாய்ப்பு உள்ளது. இந்த மாத இறுதியில் தமிழகத்தை நோக்கி ஒரு புயல் வரக்கூடும் எனவும் பிரதீப் ஜான் தெரிவித்துள்ளார்.
அந்த புயல் அதிக தீவிரம் அடையுமா, அதற்கு பெயர் வைக்கப்படும் வாய்ப்பு உள்ளதா என்பதைக் கணிக்க 10 முதல் 12 நாட்கள் வரை ஆகும் என்றும் அவர் தனது பதிவில் குறிப்பிட்டுள்ளார்.
Edited by Siva
