செவ்வாய், 25 ஜூன் 2024
  1. செய்திகள்
  2. செய்திகள்
  3. த‌மிழக‌ம்
Written By Siva
Last Updated : வியாழன், 9 மே 2024 (13:22 IST)

சென்னை மக்களுக்கு மகிழ்ச்சியான செய்தி சொன்ன வானிலை மையம் தகவல்.. கோடைக்கு விடுமுறை?

rain red umbrella
சென்னையில் கடந்த சில நாட்களாக கோடை வெயில் கொளுத்தி வருகிறது என்றும் மதிய நேரத்தில் வீட்டை விட்டு வெளியே வர முடியாத அளவுக்கு வெப்பம் உள்ளது என்பதையும் பார்த்து வருகிறோம். 
 
நேற்று அதிகாலை மட்டும் லேசான மழை பெய்ததால் ஓரளவுக்கு வெப்பம் தணிந்தாலும் அதன் பின் மீண்டும் வெயில் கொளுத்த தொடங்கி விட்டது என்றும் தமிழ்நாட்டின் பல பகுதிகளில் கோடை மழை பெய்து வந்தாலும் சென்னையில் மழை இல்லை என்பது சென்னை மக்களுக்கு பெரும் அதிருப்தியை ஏற்படுத்தியுள்ளது.
 
இந்த நிலையில் தற்போது வந்துள்ள தகவலின் படி சென்னையில் அடுத்த 48 மணி நேரத்தில் ஒரு சில இடங்களில் லேசானது முதல் மிதமான மழை பெய்ய வாய்ப்பு என வானிலை ஆய்வு மையம் தெரிவித்துள்ளது. இதனை அடுத்து சென்னையில் வெப்பம் குறைவதற்கு வாய்ப்பு இருப்பதாக கூறப்படுவதால் சென்னை மக்கள் மகிழ்ச்சி அடைந்துள்ளனர்.. 
 
அக்னி நட்சத்திர நேரத்தில் அவ்வப்போது மழை பெய்தால் மட்டுமே சமாளிக்க முடியும் என்றும் தொடர்ச்சியாக வெயில் அடித்து வருவது பொதுமக்களுக்கு பெரும் கஷ்டத்தை ஏற்படுத்தி உள்ளது என்பது குறிப்பிடத்தக்கது 
 
Edited by Siva