விஜயபாஸ்கர் உதவியாளர் வீட்டில் ரூ.2.25 கோடி பறிமுதல்: வருமான வரித்துறை அதிரடி!
விஜயபாஸ்கர் உதவியாளர் வீட்டில் ரூ.2.25 கோடி பறிமுதல்: வருமான வரித்துறை அதிரடி!
தமிழக சுகாதாரத்துறை அமைச்சர் விஜயபாஸ்கர் வீடு உட்பட 30-க்கும் மேற்பட்ட இடங்களில் வருமான வரித்துறையினர் இன்று காலை முதல் சோதனை நடத்தி வருகின்றனர். விஜயபாஸ்கரின் வீடு, அலுவலகம், உறவினர்கள் வீடு என அதிரடியாக சோதனையை நடத்தி வருகிறது வருமான வரித்துறை அதிகாரிகள்.
இந்த சோதனையில் ஏராளமான ஆவணங்கள் கைப்பற்றப்பட்டதாகவும், பல ஆவணங்கள் மறைக்கப்பட்டு இருப்பதாகவும் கூறப்படுகிறது. அமைச்சர் விஜயபாஸ்கரின் உதவியாளர் வீட்டிலும் வருமான வரித்துறை சோதனை நடத்தியது.
திருவல்லிக்கேனியில் உள்ள விஜயபாஸ்கரின் உதவியாளர் நைனார் வீட்டில் வருமான வரித்துறை நடத்திய சோதனையில் 2.25 கோடி ரூபாய் கைப்பற்றப்பட்டு பறிமுதல் செய்யப்பட்டதாக அதிகாரிகள் தெரிவித்துள்ளனர். இந்த பணம் எதற்காக கொண்டு வரப்பட்டது, எங்கிருந்து கொண்டு வரப்பட்டது போன்ற விசாரனைகள் தொடர்ந்து நடந்து வருகிறது.
