கடைசி 4 நிமிடங்கள் முக்கியமானது.. ‘சந்திராயன் 3’ குறித்து விஞ்ஞானிகள் தகவல்..!

Publish: Wed, 23 Aug 2023 (16:03 IST) Updated: Wed, 23 Aug 2023 (16:15 IST)

இஸ்ரோ அனுப்பிய ‘சந்திராயன் 3’ விண்கலம் இன்று மாலை 6.04 மணிக்கு நிலவில் தரையிறங்க இருக்கும் நிலையில் நிலவில் தரையிறங்குவதற்கு முந்தைய கடைசி நான்கு நிமிடங்கள் மிகவும் முக்கியமானது என விஞ்ஞானிகள் தெரிவித்துள்ளனர். 

கடைசி நேரத்தில் தான் சந்திராயன் 2 தோல்வி அடைந்தது என்றும் ஆனால் சந்திராயன் 3 தோல்வி அடைய மிக குறைவான வாய்ப்புகள் தான் இருக்கிறது என்றும் சந்திராயன் 3 அனைத்து சமிக்ஞைளையும் சரியாக அனுப்பி வைக்கிறது என்றும் விஞ்ஞானிகள் தெரிவித்துள்ளனர். 

சந்திராயன் 3 தரையிறங்கும் நேரம்  மற்றும் இடம் உறுதி செய்யப்பட்டுள்ளது என்றும் சந்திராயன் 3 தரையிறங்கும் இடம் மிகவும் பாதுகாப்பானது என்றும் எனவே சந்திராயன் 2 போல சந்திராயன் 3 தோல்வி அடைய வாய்ப்பே இல்லை என்றும் விஞ்ஞானிகள் தெரிவித்துள்ளனர்  

‘சந்திராயன் 3’ தரை இறங்கினால் அது உலகிலேயே ஒரு சரித்திர சாதனையாக இருக்கும் என்றும் இந்தியா அந்த சரித்திர சாதனைகளை நிச்சயம் படைக்கும் என்றும் விஞ்ஞானிகள் தெரிவித்து வருகின்றனர்.

Edited by Siva