மதுபோதையில் சிங்கம் இருக்கும் இடத்தில் குதித்த வாலிபர் : அதிர்ச்சி வீடியோ
ஹைதராபாத்தில் உள்ள ஒரு மிருகக்காட்சி சாலையில், சிங்கத்தை அருகில் பார்க்கும் ஆசையில், ஒரு மதுபோதை ஆசாமி சிங்கம் இருக்கும் இடத்தில் குதித்த வீடியோ வெளியாகியிருக்கிறது.
ராஜஸ்தானில் வசிக்குக் முகேஷ்(35) என்ற வாலிபர், சமீபத்தில் ஹைதராபத்தில் உள்ள ஒரு வனவிலங்கு சரணாலயத்திற்கு சென்றார். அவர் மதுபோதையில் இருந்ததாக தெரிகிறது. சிங்கத்தை பார்க்க விரும்பிய அவர் அந்த பகுதிக்கு சென்றார்.
இவரை போல அங்கு வந்த பலரும் சிங்கத்தை பார்த்துக் கொண்டிருந்தனர். அப்போது முகேஷ் திடீரென காம்பவுண்டு சுவருக்குள் குதித்தார். இதனைக் கண்டு அங்கிருந்தவர்கள் அதிர்ச்சியடைந்தனர். அவரை அங்கிருந்து வெளியேறு என்று கூச்சலிட்டனர்.
இந்நிலையில், அங்கிருந்த சிங்கங்கள் அவரின் அருகே சென்றது. என்ன நடக்கப் போகிறதோ என்று அங்கிருந்தவர்கள் அதிர்ச்சியடைந்தனர். நல்லவேளையாக அங்கிருந்த சிங்கத்தின் பராமரிப்பாளர், சிங்கங்களை அங்கிருந்து விரட்டி அந்த வாலிபரை காப்பாற்றினார்.
அதன்பின் பொதுமக்கள் அவரை பத்திரமாக மீட்டனர். அந்த வாலிபரை அனைவரும் எச்சரித்து அங்கிருந்து அனுப்பி வைத்தனர்.
