குலாம் நபி ஆசாத்துக்கு ஆதரவு: ஜம்மு-காஷ்மீர் காங்கிரஸ் தலைவர்கள் கூண்டோடு ராஜினாமா!
சமீபத்தில் காங்கிரஸ் கட்சியில் இருந்து அக்கட்சியின் மூத்த தலைவர் குலாம் நபி ஆசாத் விலகிய நிலையில் அவருக்கு ஆதரவு தெரிவிக்கும் வகையில் ஜம்மு காஷ்மீர் மாநிலத்தைச் சேர்ந்த 64 தலைவர்கள் காங்கிரஸ் கட்சியில் இருந்து ராஜினாமா செய்திருப்பது பெரும் பரபரப்பை ஏற்படுத்தி உள்ளது.
காங்கிரஸ் கட்சியிலிருந்து விலகிய குலாம்நபி ஆசாத், தனிக் கட்சியை தொடங்க உள்ளதாக அறிவித்துள்ளதால் காங்கிரஸ் வட்டாரத்தில் பெரும் பரபரப்பு ஏற்பட்டுள்ளது
இந்த நிலையில் காங்கிரசிலிருந்து விலகிய குலாம்நபி ஆசாத்துக்கு ஆதரவு தெரிவிக்கும் வகையில் ஜம்மு காஷ்மீர் காங்கிரஸ் கட்சியைச் சேர்ந்த 64 தலைவர்கள் கட்சியில் இருந்து விலகுவதாக அறிவித்துள்ளனர்
அவர்கள் தங்கள் ராஜினாமா கடிதத்தை இடைக்கால காங்கிரஸ் தலைவர் சோனியா காந்திக்கு அனுப்பி உள்ளதாகவும் கூறப்படுகிறது. இதனால் ஒட்டுமொத்தமாக காங்கிரஸ் கட்சி ஜம்மு காஷ்மீர் மாநிலத்தில் பெரும் பின்னடைவை சந்தித்து உள்ளதாக கூறப்படுகிறது
