வெள்ளி, 29 மார்ச் 2024
  1. பொழுதுபோக்கு
  2. சினிமா
  3. விமர்சனம்
Written By siva
Last Modified: திங்கள், 19 ஜூலை 2021 (13:47 IST)

லிங்குசாமி படத்தின் வில்லன் இந்த தமிழ் ஹீரோ தான்: அதிகாரபூர்வ அறிவிப்பு!

பிரபல தமிழ் திரைப்பட இயக்குனர் லிங்குசாமி தற்போது தெலுங்கு திரைப்படம் ஒன்றை இயக்கி வருகிறார் என்பதும் பிரபல தெலுங்கு நடிகர் ராம்பொத்தினேனி நடிக்கும் இந்த படத்தின் நாயகியாக கீர்த்தி ஷெட்டி நடித்து வருகிறார் என்பதும் குறிப்பிடத்தக்கது
 
சமீபத்தில் இந்த படத்தின் படப்பிடிப்பு தொடங்கிய நிலையில் தற்போது விறுவிறுப்பாக நடைபெற்று வருகிறது. இந்த நிலையில் இந்த படத்தின் வில்லனாக பிரபல ஹீரோ ஒருவரை நடிக்க வைக்க படக்குழுவினர் திட்டமிட்டிருந்தனர். அந்த வகையில் மாதவன் மற்றும் ஆர்யாவுடன் பேச்சுவார்த்தை நடத்தப்பட்டு வந்ததாக கூறப்பட்டது 
 
இந்த நிலையில் தற்போது தமிழ் ஹீரோக்களில் ஒருவரான ஆதி இந்த படத்தில் இணைந்து உள்ளதாக அதிகாரப்பூர்வமாக அறிவிக்கப்பட்டுள்ளது. இந்த படத்தை தயாரித்து வரும் சில்வர் ஸ்கிரீன் நிறுவனம் தனது டுவிட்டர் பக்கத்தில் ஆதி இந்த படத்தில் இணைந்தது நாங்கள் மிகுந்த மகிழ்ச்சி அடைகிறோம் என்று குறிப்பிடப்பட்டுள்ளது. இதனை அடுத்து இந்த படத்தில் ஆதி தான் வில்லன் என்று கேட்டதற்கு உறுதியாகியுள்ளது
 
மேலும் லிங்குசாமி இயக்கி வரும் திரைப்படத்தில் தான் இணைந்ததை ஆதியும் தனது டுவிட்டர் பக்கத்தில் பதிவு செய்துள்ளார் என்பது குறிப்பிடத்தக்கது