ஜியோ வெல்கம் ஆஃபர் பார்ட் - 2: மக்களே ரெடியா??


Sugapriya Prakash| Last Updated: திங்கள், 28 நவம்பர் 2016 (16:11 IST)
டிசம்பர் மாத இறுதியோடு முடிவடையும் ஜியோ வெல்கம் ஆஃபரின் இரண்டாம் பகுதி டிசம்பர் மாதத்திலேயே அறிவிக்கப்படும் என்று செய்திகள் வெளியாகி உள்ளது. 

 
 
டிராய் கட்டுப்பாடு: 
 
எந்த ஒரு தொலைதொடர்பு நிறுவனத்தின் விளம்பர வாய்ப்பும் 90 நாட்கள் வரம்பு கொண்டிருக்க வேண்டும் என்ப்த் டிராய் கட்டுப்பாடு. இதனால் ஜியோவின் வெல்கம் ஆஃபர் செப்டம்பர் 5-ஆம் தேதி ஆரம்பித்து டிசம்பர் 3, 2016 அன்று முடிவடைகிறது.
 
அம்பானியின் இலக்கு:
 
ஆனால், முகேஷ் அம்பானி ரிலையன்ஸ் ஜியோ நிறுவனம் இந்த ஆண்டு முடிவுக்குள் 100 மில்லியன் சந்தாதாரர்களை பெற்றிருக்க வேண்டும் என்ற ஒரு இலக்கை நிர்ணயித்துள்ளார். 
 
இதனால், வெல்கம் ஆஃபர் 100 மில்லியன் பயனர்களை அடையும் நோக்கில் நீடிக்கப்படலாம். 
 
ஜியோ வெல்கம் ஆஃபர் என இலவச சேவையை அடுத்த 2017-ஆம் ஆண்டு மார்ச் வரை நீடிக்கப்பட்டால் 100 மில்லியன் பயனர்கள் இலக்கு சாத்தியமான ஒன்று.
 
யாருக்கு வெல்கம் ஆஃபர் 2 ??
 
வெல்கம் ஆஃபர் 2 புதிய ஜியோ பயனர்களுக்கு மட்டுமே கிடைக்கலாம் என்று கூறப்படுகின்றது. இதனால் ஏற்கனவே வெல்கம் ஆஃபர் அனுபவித்துக் கொண்டிருந்தாள் வெல்கம் ஆஃபர் 2 அனுபவிக்க இயலாது.
 
அறிவிப்புகள்:
 
வெல்கம் ஆஃபர் 2 மேலும் 90 நாட்கள் செல்லுபடியாகும் ஒன்றாக இருக்க வாய்ப்பு உள்ளது. அப்படியானால் இந்த சலுகை மார்ச் 2017 வரை வரும். ஆனால் இது குறித்த அதிகாரப்பூர்வ அறிவிப்புகள் இன்னும் வெளியிடப்படவில்லை.
 


இதில் மேலும் படிக்கவும் :