ஜிஎஸ்டி வரி விதிப்பு: உலக நாடுகளைவிட இந்தியாவில்தான் அதிக வரி வசூல்!!

ஒரே தேசம், ஒரே வரி என்ற குறிக்கோளுடன் ஜுலை 1 முதல் ஜிஎஸ்டி வரியை மத்திய அரசு அமல்படுத்தியுள்ளது. 

உலகில் உள்ள ஜிஎஸ்டி அறிமுகம் படுத்தப்பட்ட மற்ற நாடுகளைவிட இந்தியாவில்தான் ஜிஎஸ்டி வரி அதிகம் வசூலிக்கப்படுகிறது என்று தெரியவந்துள்ளது.

# உலகிலேயே ஜிஎஸ்டி வரி முறையை அறிமுகப்படுத்திய முதல் நாடு பிரான்ஸ் தான். 1954 ஆம் ஆண்டு பிரான்ஸில் ஜிஎஸ்டி அறிமுகப்படுத்தப்பட்டது. பிரான்ஸ் நாட்டில் 20 % ஜிஎஸ்டி வரி விதிக்கப்பட்டுள்ளது. 

# பிரேசில் நாட்டில் ஜிஎஸ்டி 4 % முதல் 25 % வரை ஜிஎஸ்டி விதிக்கப்படுகிறது. 

# கனடா நாட்டில் ஜிஎஸ்டி 13 % முதல் 15 % வரை ஜிஎஸ்டி விதிக்கப்படுகிறது. 

# நியூசிலாந்து நாட்டில் 1986 ஆம் ஆண்டு 10 % வரியுடன் ஜிஎஸ்டி அறிமுகப்படுத்தப்பட்டது. பின்னர், 1989 ஆம் ஆண்டில் 12.5 %, 2010 ஆம் ஆண்டில் 15 % வரி உயர்த்தப்பட்டது.

# ஜப்பானில் 1989 ஆம் ஆண்டு 3 % அளவுடன் நுகர்வோர் வரி அறிமுகப்படுத்தப்பட்டது. 1997-ல் இந்த அளவு 5 % உயர்த்தப்பட்டது. 

# ஆஸ்திரேலியாவில் கடந்த 2000 ஆம் ஆண்டு 10 % வரியுடன் ஜிஎஸ்டி அறிமுகப்படுத்தப்பட்டது. 

# சிங்கப்பூரில் 1994 ஆம் ஆண்டில் 7 % ஜிஎஸ்டி வரி விதிக்கப்பட்டது.

# 2015 ஆம் ஆண்டில் மலேசியாவில் ஜிஎஸ்டி அறிமுகமானது. 6 % ஜிஎஸ்டி வரி வசூலிக்கப்படுகிறது. 

இந்நிலையில் ஜிஎஸ்டி வரி இந்தியாவில்தான் அதிகம் என்ற குற்றச்சாட்டு  எழுந்துள்ளது.