வெள்ளி, 29 மார்ச் 2024
  1. பொழுதுபோக்கு
  2. சினிமா
  3. இ‌ந்‌திய ‌சி‌னிமா
Written By
Last Modified: வெள்ளி, 19 ஆகஸ்ட் 2022 (16:55 IST)

ஜெயிலர் படத்தில் இணைந்த பிரபல நகைச்சுவை நடிகர்!

சூப்பர் ஸ்டார் ரஜினிகாந்தின் ஜெயிலர் படத்தின் படப்பிடிப்பு இன்னும் சில தினங்களில் தொடங்க உள்ளது.

இயக்குனர் நெல்சன் இயக்கத்தில் ரஜினிகாந்த் நடிக்கும் படத்துக்கு டைட்டில் ”ஜெயிலர்” என்று அறிவிக்கப்பட்டுள்ளது. இது சம்மந்தமாக வெளியான  போஸ்டர் இணையத்தில் கவனம் பெற்றது. அந்த போஸ்டரில் ரத்தம் வழிய கத்தி ஒன்று தொங்குகிறது. போஸ்டரில் ரஜினி, நெல்சன் மற்றும் அனிருத் பெயர் தவிர மற்றவர்கள் பெயர் இடம்பெறவில்லை. சமீபத்தில் கன்னட நடிகர் சிவராஜ்குமார் நடிப்பது கிட்டத்தட்ட உறுதியாகியுள்ளது. மேலும் ஐஸ்வர்யா ராய், பிரியங்கா மோகன் ஆகியோர் நடிப்பதாக சொல்லப்படுகிறது.

ஆனால் இப்போது படத்தில் கதாநாயகியாக தமன்னா நடிக்க உள்ளதாக சொல்லப்படுகிறது. மேலும் மற்றொரு கதாபாத்திரத்தில் ரம்யா கிருஷ்ணன் நடிக்க உள்ளதாக தற்போதைய தகவல்கள் பரவி வருகின்றன. மேலும் படத்தின் படப்பிடிப்பு ஆகஸ்ட் 22 ஆம் தேதி சென்னையை அடுத்த மகாபலிபுரத்தில் நடக்க உள்ளதாக சொல்லப்படுகிறது.

இந்நிலையில் படத்தில் யோகி பாபு நடிப்பது உறுதியாகியுள்ளதாக நம்பத்தகுந்த தகவல்கள் வெளியாகியுள்ளன. ஏற்கனவே நெல்சனின் அனைத்து படங்களிலும் யோகி பாபு நடித்துள்ளது குறிப்பிடத்தக்கது. அதே போல ரஜினியோடு தர்பார் படத்திலும் நடித்துள்ளார்.