சொன்னதை செய்த விஜயகாந்த் : மீசையை எடுத்துக் கொள்வாரா ஆனந்தராஜ்?
அதிமுக நட்சத்திர பேச்சாளர் நடிகர் ஆனந்தராஜ், விடுத்த சவாலை தேமுதிக தலைவர் விஜயகாந்த் வெற்றிகரமாக செய்து முடித்துள்ளார்.
அதிமுகவிற்கு ஆதரவாக தேர்தல் பிரச்சாரம் செய்து வரும் நடிகர் ஆனந்தராஜ் “விஜயகாந்த் தன்னுடைய கட்சியுடன் கூட்டணி வைத்திருக்கும் கட்சிகளின் பெயரையும், அந்த கட்சிகளின் சின்னங்களையும் சரியாக சொல்லி விட்டால், நான் ஒரு பக்கம் மீசையை எடுத்துக் கொள்கிறேன்” என்று சமீபத்தில் கூறியிருந்தார்.
இந்நிலையில், நேற்று இரவு வள்ளூரில் வேட்பாளர்களை அறிமுகம் செய்து வைத்து பேசிய விஜயகாந்த் தேமுதிகவுடன் கூட்டணி வைத்திருக்கும் அனைத்துக் கட்சிகளின் பெயர் மற்றும் சின்னங்களை கூறி அசத்தினார்.
மேலும் அவர் பேசும்போது “வாக்காளப் பெருமக்கள், தமிழகத்தில் மாற்றத்தை ஏற்படுத்த முரசு, பம்பரம், மோதிரம், கதிர் அரிவாள் நட்சத்திரம், தென்னந்தோப்பு ஆகிய சின்னங்களில் வாக்களித்து அரசியலில் திருப்புமுனையை ஏற்படுத்த வேண்டும்” என்று கேட்டுக்கொண்டார்.
