சொந்தக்குரலில் டப்பிங் பேச தமிழ் கற்கும் ரித்திகா சிங்
சொந்தக்குரலில் டப்பிங் பேச வேண்டும் என்பதற்காக, தமிழ் கற்று வருகிறாராம் ரித்திகா சிங்.
மாதவன் நடித்த ‘குத்துச்சண்டை’ படத்தின் மூலம் நடிகையாக அறிமுகமானவர் ரித்திகா சிங். நிஜத்தில் குத்துச்சண்டை வீராங்கனையான இவர், இப்போது முழுநேர நடிகையாகி விட்டார். தமிழ், தெலுங்கு, ஹிந்தி என மூன்று மொழிகளில் நடித்தாலும், தமிழுக்கு அதிக முன்னுரிமை கொடுத்து தமிழ்ப் படங்களில் நடிக்கிறார்.
நிறைய படங்களில் நடித்து காசு சம்பாதித்தால் போதும் என்று நினைக்கும் நடிகைகளுக்கு மத்தியில், சொந்தக்குரலில் டப்பிங் பேச ஆசைப்படுகிறார் ரித்திகா சிங். மும்பைப் பெண்ணான இவர், இரண்டு வருடங்களுக்கும் மேலாக தமிழ் சினிமாவில் இருப்பதால், நன்றாகவே தமிழ் பேச கற்றுக் கொண்டுள்ளாராம். விரைவில் அவரே டப்பிங் பேசினாலும் ஆச்சர்யப்படுவதற்கில்லை.
