பிரபல தமிழ் நடிகை ப்ரியாமணிக்கு நிச்சயதார்த்தம்
பிரபல தமிழ் நடிகை ப்ரியாமணிக்கு நிச்சயதார்த்தம்
பிரபல தமிழ் நடிகையான ப்ரியாமணிக்கு பிரபல தொழில் அதிபருடன் நிச்சயதார்த்தம் நடைபெற்றது.
கடந்த 2004 ஆம் ஆண்டு, இயக்குனர் பாரதிராஜாவின், கண்களால் கைது செய் திரைப்படம் மூலம் அறிமுகமானவர் நடிகை ப்ரியாமணி. தமிழ் மற்றும் தெலுங்கு உள்ளிட்ட பல்வேறு மொழிகளில் நடித்து புகழ் பெற்றவர். பருத்திவீரன் திரைப்படத்தில் தனது சிறப்பாக நடிப்பை வெளிப்படுத்தியற்காக நடிகை ப்ரியாமணிக்கு தேசிய விருது கிடைத்தது.
நடிகை ப்ரியாமணி, சமீபத்தில் நடைபெற்ர கிரிக்கெட் போட்டிக்கு சென்ற போது, அங்கு தொழில் அதிபரான முஸ்தபா ராஜை சந்தித்தார். அப்போது இருவருக்கும் மனதில் காதல் மலர்ந்துள்ளது. விரைவில் எங்களது திருமணம் நடைபெறும் என்றார் ப்ரியாமணி.
இந்த நிலையில், நடிகை ப்ரியாமணிக்கும், தொழில் அதிபரான முஸ்தபா ராஜூக்கும் பெங்களூரில், நேற்று திருமண நிச்சயதார்த்தம் நடைபெற்றது. இந்த விழாவில், அவரது நெருங்கிய உறவினர்கள் மற்றும் நண்பர்கள் மட்டுமே கலந்து கொண்டனர்.
