ரஜினி நல்லாயிருக்கணும்; அண்ணாத்த 500 கோடி வசூல் செய்யணும்! – இயக்குனர் மிஷ்கினின் ஆசை!
ரஜினி நடித்து வெளியாகியுள்ள அண்ணாத்த 500 கோடி வசூல் செய்ய வேண்டும் என இயக்குனர் மிஷ்கின் தெரிவித்துள்ளார்.
சிறுத்தை சிவா இயக்கத்தில் ரஜினிகாந்த் நடித்து வெளியாகியுள்ள படம் அண்ணாத்த. தீபாவளியான நேற்று வெளியான இந்த படத்திற்கு ரசிகர்களிடையே பெரும் வரவேற்பு உள்ள நிலையில் திரை பிரபலங்கள் பலரும் படத்தை பார்த்து வாழ்த்து தெரிவித்து வருகின்றனர்.
இந்நிலையில் நிகழ்ச்சி ஒன்றில் பேசிய இயக்குனர் மிஷ்கின் “தனது 45 ஆண்டு கால திரை வாழ்க்கையை தமிழக மக்களின் சுவை, வீரம், சிரிப்புக்காக அர்ப்பணித்தவர் ரஜினிகாந்த். இன்னும் 50 ஆண்டுகள் அவர் வாழ வேண்டும். அண்ணாத்த படத்தை அனைவரும் குடும்பம் குடும்பமாக சென்று பார்க்க வேண்டும். அண்ணாத்த படம் 500 கோடி வசூல் செய்ய வேண்டும்” என்று தெரிவித்துள்ளார்.
