விடாமுயற்சி எஃபெக்ட்டா இருக்குமோ?… அதிகம் தேடப்பட்ட சுற்றுலாத் தலமாக அஜர்பைஜான்!
அஜித், இப்போது மகிழ் திருமேனி இயக்கும் விடாமுயற்சி மற்றும் ஆதிக் இயக்கும் ‘குட் பேட் அக்லி’ஆகிய திரைப்படங்களில் நடித்து வருகிறார். விடாமுயற்சி படம் பொங்கல் ரிலீஸ் என அறிவிக்கப்பட்டுள்ள நிலையில் இன்னும் ஒரு வாரம் மட்டும் ஷூட்டிங் நடக்க வேண்டியுள்ளதாக சொல்லப்படுகிறது.
விடாமுயற்சி படம் நீண்ட நாட்களாக அஜர்பைஜான் என்ற நாட்டில் படமாக்கப்பட்டது. இதனால் படம் பற்றிய தகவல் வெளியாகும் போதெல்லாம் அஜர்பைஜான் என்ற பெயரும் அடிபட்டது. இந்நிலையில் இப்போது 2024 ஆம் ஆண்டு கூகுளில் அதிகம் தேடப்பட்ட சுற்றுலாத் தளங்களின் பட்டியலில் அஜர்பைஜான் முதல் இடம் பெற்றுள்ளதாக அறிவிக்கப்பட்டுள்ளது.
இதற்கு அஜித்தின் விடாமுயற்சி படமும் ஒரு காரணமாக இருக்கலாம் என தெரிகிறது. விடாமுயற்சி படம் வரும் பொங்கலுக்கு ரிலீஸாகவுள்ளது என்பது குறிப்பிடத்தக்கது.
