Daily Horoscope
✕

அனைத்து நோயும் குணமாக பல்லு வெளக்காதீங்க : இப்படியும் ஒரு விளம்பரம்

Updated: சனி, 4 ஆகஸ்ட் 2018 (13:28 IST)
பல்லு வெளக்காதீங்க என ஒட்டப்பட்டுள்ள சுவர் விளம்பரம் பரபரப்பை ஏற்படுத்தியுள்ளது.

 
ஆங்கில மருத்துவமான அலோபதிக்கு எதிராக இயற்கை மருத்துவம் என்கிற கருத்தை தற்போது பலரும் சமூக வலைத்தளங்களில் முன்னிறுத்தி வருகின்றனர். இதைப்பயன்படுத்தி பல போலி மருத்துவர்களும் மக்களிடம் பண மோசடி செய்து வருகின்றனர்.
 
சமீபத்தில் கூட நிஷ்டை மையம் என்கிற நிறுவனத்தை தொடங்கி, வீட்டிலேயே சுகப்பிரசவம் செய்ய இலவச பயிற்சி என அறிவித்த ஹீலர் பாஸ்கர் போலீசாரால் கைது செய்யப்பட்டார். அதேபோல், திருப்பூரில் யூடியூப்பை பார்த்து பிரசவம் செய்த பெண், அதிக ரத்தப்போக்கு ஏற்பட்டு மரணம் அடைந்தார். 
 
மேலும், தேனியில் தனது மனைவிக்கு வீட்டிலேயே பிரசவம் பார்த்த கணவன், தொப்புள் கொடியை அறுக்கவே கூடாது என அதிகாரிகளிடம் சண்டையிட்ட சம்பவமும் பெரும் அதிர்ச்சியை ஏற்படுத்தியுள்ளது. 
 
இந்நிலையில், பல்லு வெளக்காதீங்க என ஒரு  கும்பல் கிளம்பியுள்ளது. இது தொடர்பாக ஒட்டப்பட்ட போஸ்டரில் “ சர்க்கரை முதல் கேன்சர் வரை அனைத்து நோய்களிலிருந்தும் விடுதலை பெற பல்லு வெளக்காதீங்க” என குறிப்பிடப்பட்டுள்ளது. இது தொடர்பான மருத்துவ பயிலரங்கம் ஈரோட்டில் நடை பெறுவதாகவும், அதற்கு ரூ.300  கட்டணமாக வசூலிக்கப்படும் எனவும் குறிப்பிடப்பட்டுள்ளது.
 
இந்த விளம்பர போஸ்டர் சமூக வலைத்தளங்களில் வைரலாக வலம் வந்து கொண்டிருக்கிறது.

எல்லாம் காட்டு

7 மாதங்களுக்கு பின் உயர்ந்த இந்திய ரூபாய் மதிப்பு...

இன்ஸ்டா வாக்கிதா கொடுத்த புகார்!.. பிக்பாஸ் முத்துக்குமரன் மீது வழக்குப்பதிவு...

கல்யாணம் முடிஞ்சி அடுத்த நாளே பிரசவம்!.. புது மாப்பிள்ளைக்கு ஷாக் கொடுத்த பெண்...

சவரனுக்கு ரூ.360 குறைந்த தங்கம் விலை!.. வெள்ளி விலையில் மாற்றமில்லை!

வடிவேலு இடத்தை வைகோ பிடிப்பார்!.. மல்லை சத்யா நக்கல்...

அடுத்த கட்டுரையில்
Show comments