Daily Horoscope
✕

நடிகர் அஜித்துக்கு இருக்கும் தைரியம் கமலுக்கு இல்லை: இழுத்து விடும் அதிமுக!

நடிகர் அஜித்துக்கு இருக்கும் தைரியம் கமலுக்கு இல்லை: இழுத்து விடும் அதிமுக!

Written By Caston
Updated: திங்கள், 17 ஜூலை 2017 (12:15 IST)
நடிகர் கமலுக்கு ஆதரவாக திமுக செயல் தலைவர் ஸ்டாலின் குரல் கொடுத்தை அடுத்து நடிகர் கமல் அவருக்கு டுவிட்டரில் நன்றி தெரிவித்தார். இந்நிலையில் நடிகர் அஜித் பெயரை வைத்து திமுகவையும் கமலையும் சீண்டியுள்ளது அதிமுக.


 
 
நடிகர் கமல் தொகுத்து வழங்கும் பிக் பாஸ் நிகழ்ச்சியில் சர்ச்சைக்குரிய வகையில் பேசிய நடிகை காயத்ரி ரகுராம் விஷயத்தில் செய்தியாளர்களை சந்தித்த கமல் தமிழக அரசின் அனைத்து துறைகளிலும் ஊழல் உள்ளதாக கூறினார்.
 
இதனையடுத்து தமிழக அமைச்சர்கள் தொடர்ந்து நடிகர் கமலை குறி வைத்து பேட்டியளித்து வருகின்றனர். அவரது விமர்சனத்துக்கு பதில் அளிக்காமல் அவர் மீது தனிப்பட்ட தாக்குதலை நடத்துகின்றனர்.
 
இதனையடுத்து திமுக செயல்தலைவர் மு.க.ஸ்டாலின் நடிகர் கமலுக்கு ஆதரவாக குரல் கொடுத்து அறிக்கை வெளியிட்டார். அதனையடுத்து நடிகர் கமலும் ஸ்டாலினின் ஆதரவுக்கு டுவிட்டரில் நன்றி தெரிவித்தார்.
 
இந்நிலையில் இந்த விவகாரத்தில் நடிகர் அஜித்தை இழுத்து விட்டுள்ளார் சட்டத்துறை அமைச்சர் சி.வி.சண்முகம். ஏற்கனவே இது தொடர்பாக பேசிய அவர் நடிகர் கமல் மீது வன்கொடுமை தடுப்பு சட்டத்தின் கீழ் வழக்கு பதிவு செய்ய வேண்டும் என கூறியிருந்தார்.
 
இந்நிலையில் தற்போது பேசிய அவர், நடிகர் அஜித்துக்கு இருக்கும் தைரியம் நடிகர் கமலுக்கு இல்லாமல் போனது ஏன். திமுக ஆட்சியில் நடிகர்கள் மிரட்டப்படுகிறார்கள் என கருணாநிதி முன்னிலையில் அஜித் பேசும் போது கமல் எங்கு சென்றார் என அமைச்சர் கேள்வி எழுப்பினார். மேலும் ஆதாரத்துடன் குற்றச்சாட்டுகளை வைத்தால் அதற்கு முறையாக பதில் சொல்லுவோம் என்றார்.

எல்லாம் காட்டு

மதுரை தனிஷ்க் நகைக்கடை கொள்ளையடிக்க 3 பைக்!.. பக்கா ஸ்கெட்ச் போட்ட நிஷாந்த்...

விஜய் பெஸ்ட் முதலமைச்சரா இருப்பார்!.. இயக்குனர் மிஷ்கின் பெருமிதம்....

இன்ஸ்டாகிராம் ஸ்டோரிகளை இனி எடிட் செய்யலாம்... வியூஸ், லைக்ஸ் மற்றும் ரிப்ளைகளில் பாதிப்பு இருக்காது...

தங்கம் விலை வரலாறு காணாத சரிவு.. 10 நாளில் 12000 ரூபாய் குறைவு..

ஆசிரியர் தகுதித் தேர்வு.. விண்ணப்பங்களில் திருத்தம் மேற்கொள்ள கடைசி வாய்ப்பு...

அடுத்த கட்டுரையில்
Show comments