மொரோசேவிச்சை வீழ்த்தினார் ஆனந்த்

Written By: Webdunia

Updated: Sat, 22 Mar 2008 (10:02 IST)

பிரான்சில் நடைபெறும் ஆம்பர் பிளைன்ட்ஃபோல்ட் மற்றும் அதிவேக செஸ் தொடர் 5ஆவது சுற்று அதிவேகப்பிரிவில் மொரோசேவிச்சை விஸ்வ நாதன் ஆனந்த் வீழ்த்தினார். இதன் மூலம் 2ஆவது இடத்தில் உள்ளார். முதலிடத்தில் அரோனியன் உள்ளார்.

அதிவேக செஸ் போட்டியில் மொரோசேவிச்சை வீழ்த்திய ஆனந்த் பிளைன்ட்ஃபோல்ட் போட்டியில் இவரிடம் தோல்வி தழுவினார். இதன் மூலம் பிளைன்ட்ஃபோல்ட் பிரிவில் 2வது தொடர் தோல்வியை ஆனந்த் சந்தித்துள்ளார்.

5ஆவது சுற்று முடிவில் பிளைன்ட்ஃபோல்ட், அதிவேக செஸ் பிரிவு இரண்டிலும் சேர்த்து ஆனந்த் 5.5 புள்ளிகள் பெற்று 2ஆவது இடத்தில் உள்ளார்.

ஆனால் பிளைன்ட்ஃபோல்ட் பிரிவில் ஆனந்த் 10ஆவது இடத்தில் உள்ளார்.

வாஸ்ஸிலி இவாசுக்கை வீழ்த்திய அரோனியன் இரண்டு பிரிவிலும் சேர்த்து 6.5 புள்ளிகள் பெற்று தனித்த முன்னிலை பெற்றுள்ளார்.