பந்தாவாக செல்பி ; கழுத்தை இறுக்கிய மலைப்பாம்பு : அதிர்ச்சி வீடியோ

மலைப்பாம்பை கழுத்தில் போட்டு போஸ் கொடுத்த வனத்துறை அதிகாரியை அந்த பாம்பு கழுத்தை இறுக்கிய வீடியோ வெளிவந்துள்ளது.

மேற்கு வங்காளம் ஜல்பைகுரி பகுதியில் உள்ள ஒரு கிராமத்தில் குடியிருப்பு பகுதியில் நுழைந்த ஒரு மலைப்பாம்பை வனத்துறை அதிகாரிகள் பிடித்தனர். அந்த பாம்பு 18 அடி நீளமும் 40 கிலோ எடை கொண்டதாகவும் இருந்தது.

அதைப்பிடித்த அதிகாரி கெத்தாக தனது தோளில் அந்த பாம்பை மாலை போல் போட்டுக்கொண்டு அங்கிருந்த மக்களுக்கு போஸ் கொடுத்தார். அவருடன் சிலர் செல்பியும் எடுத்துக்கொண்டனர். அப்போது, எதிர்பாராத விதமாக அந்த பாம்பு அவரின் கழுத்தை இறுக்கத்தொடங்கியது. இதனால், அங்கிருந்த மக்கள் தெறித்து ஓடினர். இருப்பினும் அருகிலிருந்து சக ஊழியர்கள் பாம்பை விடுவித்து அருகிலிருந்த காட்டில் விட்டனர்.