பார்வையற்றவர்களை காதலில் விழவைத்த வழிகாட்டி நாய்கள்
வளர்ப்பு நாய்களால் வாழ்க்கைத் துணையையே ஏற்படுத்தி தர முடியும் என்பதை இங்கிலாந்தில் நடைபெற்ற பார்வையற்ற ஒரு ஜோடியின் திருமணம் நிரூபித்துள்ளது. இங்கிலாந்தில் உள்ள ஸ்ட்ரோக்-ஆன்-ட்ரெண்ட் நகரை சேர்ந்தவர் மார்க் கேஃபே (51). பிறவியிலேயே பார்வையை இழந்த இவருக்கு வளர்ப்பு நாய்கள்தான் வழிகாட்டும் துணையாக இருந்து வந்துள்ளன. இவரது வீட்டின் அருகில் கடந்த 2012-ம் ஆண்டு இத்தகைய வழிகாட்டி நாய்களுக்கான சிறப்பு பயிற்சி முகாம் நடைபெற்றபோது. அந்த முகாமில் பயிற்சி பெறுவதற்காக தனது நாயை மார்க் கேஃபே அழைத்து சென்றார். அந்த நாயின் பெயர் ராடன், ராடன் அதே முகாமில் பயிற்சி பெற வந்த இன்னொரு பெண் நாயான வெனிசுடன் காதல் வயப்பட்டது. முகாமின் போது ஒன்றையொன்று மோப்பம் பிடித்தபடி சுற்றி வருவதைக் கண்டவர்கள் பெண் நாயின் உரிமையாளர் கிளாரி ஜான்சனிடம் (50) இதனை கேலியாக சுட்டிக் காட்டினர். தனது 24வது வயதில் சர்க்கரை நோயின் தாக்கத்தால் பார்வையை பறிகொடுத்த கிளாரி, அந்த பயிற்சி காலமான ஒரு வாரம் முழுவதும் முகாம் நடைபெறும் இடத்திலேயே தங்கி இருக்க நேர்ந்தது.