கை கொடுக்குமா கொரோனா மருந்து? : அமெரிக்காவில் இன்று பரிசோதனை!

கொரோனாவை தடுக்க தயாரிக்கப்பட்டுள்ள மருந்து இன்று அமெரிக்காவில் சோதனை செய்யப்பட உள்ளது.

உலகம் முழுவதும் கொரோனா பலி 5 ஆயிரத்தை தாண்டி உள்ளது. லட்சக்கணக்கான மக்கள் பாதிக்கப்பட்டுள்ளனர். பல்வேறு நாட்டு மருத்துவ ஆராய்ச்சியாளர்களும் கொரோனாவுக்கு மருந்து கண்டுபிடிக்கும் முனைப்பில் உள்ளனர்.

இந்நிலையில் அமெரிக்காவை சேர்ந்த மொடெர்னோ என்ற நிறுவனம் அமெரிக்க சுகாதார மையத்துடன் இணைந்து mRNA – 1273 என்ற மருந்தை கண்டுபிடித்துள்ளது. இந்த மருந்து கொரோனாவை சரிசெய்யுமா என்ற சோதனை இன்று நடைபெற இருக்கிறது. பூரண நலத்துடன் உள்ள 18 வயது முதல் 55 வயது வரை உள்ள 45 நபர்களுக்கு இந்த மருந்தை செலுத்தி பரிசோதிக்க உள்ளனர். 6 வார காலம் தொடர்ந்து நடைபெறும் இந்த சோதனையின் முடிவில்தான் இந்த மருந்தால் கொரோனாவை சரிசெய்ய இயலுமா என்பதை கண்டறிய முடியும் என கூறப்படுகிறது.

இந்த சோதனை வெற்றிபெற்றாலும் மருந்து தயார் செய்து விநியோகிக்க 18 மாத காலம் ஆகும் என கூறப்படுகிறது.