கொரோனாவிலும் அமெரிக்காவுக்கு போட்டியாக ரஷ்யா! – அதிகரிக்கும் பாதிப்புகள்!

Russia
Prasanth Karthick| Last Modified செவ்வாய், 12 மே 2020 (08:34 IST)
உலகம் முழுவதிலும் நாளுக்கு நாள் கொரோனா பாதிப்பு அதிகரித்து வரும் நிலையில் ரஷ்யாவில் மற்ற நாடுகளை விடவும் சமீபத்திய பாதிப்புகள் அதிகரித்து வருகின்றன.

உலகம் முழுவதும் பரவிய கொரோனா வைரஸால் ஆரம்பத்தில் வெகுவாக சீனா பாதிக்கப்பட்டாலும், பிறகு மெல்ல கட்டுப்பாட்டுக்குள் வர தொடங்கியது. ஆனால் இத்தாலி மற்றும் ஸ்பெயினில் நிலைமை கட்டுக்கடங்காதவாறு அதிகரித்தன. அதை தொடர்ந்து அமெரிக்காவில் பாதிப்பு அதிகமானதால் அது முன்னிலையை அடைந்தது. தற்போது அதிகமான பாதிப்பினால் அமெரிக்காவின் எண்ணிக்கையை நெருங்கி வருகிறது ரஷ்யா.

ரஷ்யாவில் கடந்த சில நாட்களாக கொரோனா பாதிப்பு வேகமாக அதிகரித்து வருகிறது. நாள் ஒன்றுக்கு 10 ஆயிரத்திற்கும் மேற்பட்டோர் கொரோனாவால் பாதிப்புக்கு உள்ளாகி வருகின்றனர். கடந்த 24 மணி நேரத்தில் 11,565 பேர் பாதிக்கப்பட்டுள்ளனர். இதனால் ரஷ்யாவின் மொத்த பாதிப்பு 2, 21, 344 ஆக உயர்ந்துள்ளது. இதுவரை 2,009 பேர் உயிரிழந்துள்ள நிலையில் 39, 801 பேர் குணமடைந்துள்ளனர்.

ரஷ்யாவின் இந்த மொத்த பாதிப்பு எண்ணிக்கை இத்தாலி மற்றும் ஸ்பெயினை பின்னுக்கு தள்ளி மூன்றாவது இடத்திற்கு ரஷ்யாவை கொண்டு சென்றுள்ளது. அமெரிக்கா கொரோனா பாதிப்புகளில் முதலிடத்தில் உள்ள நிலையில்  ரஷ்யா மூன்றாவது இடத்தை அடைந்துள்ளது குறிப்பிடத்தக்கது.



இதில் மேலும் படிக்கவும் :