பிரபல உணவகத்தில் தீவிரவாதிகள் தாக்குதல்: பாராளுமன்ற உறுப்பினர்கள் உட்பட 15 பேர் பலி
சோமாலியாவில் பிரபல ஹோட்டல் ஒன்றில் தீவிரவாதிகள் தாக்குதல் நடத்தியதில் 15க்கும் மேற்பட்டோர் உயிரிழந்ததாக அஞ்சப்படுகிறது.
ஆப்பிரிக்க நாடான சோமாலியாவின் மொகதீசியோ நகரில் அமைந்துள்ள பிரபல ஓட்டல் ஒன்றில் திடீரென தீவிரவாதிகள் வெடிகுண்டுகளை வீசி தாக்குதல் நடத்தினர். பின்னர் துப்பாக்கியால் சரமாரியாக சுட்டும் தாக்குதல் நடத்தியுள்ளனர்.
இந்த தாக்குதலில் 15க்கும் மேற்பட்டோர் உயிரிழந்திருக்கலாம் என அஞ்சப்படுகிறது. மேலும் இந்த சம்பவத்தில் இரண்டு பாராளுமன்ற உறுப்பினர்களும் இறந்துள்ளதாக போலீஸார் உறுதி செய்துள்ளனர். இந்த தாக்குதலுக்கு அல் ஷபாப் எனும் தீவிரவாத அமைப்பு பொறுப்பேற்றுள்ளனர்.
