லியோ படத்தின் வியாபாரத்தை முந்திய The GOAT … செம்மயா கல்லா கட்டிய தயாரிப்பாளர்!
விஜய், தற்போது இயக்குனர் வெங்கட் பிரபு இயக்கத்தில் The Greatest Of All Time என்ற படத்தில் நடித்து வருகிறார். இந்த படத்தில் அவரோடு பிரசாந்த், பிரபுதேவா, மீனாட்சி சௌத்ரி, ஜெயராம் மற்றும் மோகன் ஆகியோர் நடிக்கின்றனர். யுவன் ஷங்கர் ராஜா இசையமைக்க, சித்தார்த்தா நுனி ஒளிப்பதிவு செய்து வருகிறார். படத்தை ஏஜிஎஸ் நிறுவனம் தயாரித்து வருகிறது.
இந்த படத்தின் ஷூட்டிங் சென்னை மற்றும் தாய்லாந்து ஆகிய இடங்களில் நடந்தது. தற்போது ஐதராபாத்தில் முக்கியமானக் காட்சிகளை படமாக்கி வருகிறார் இயக்குனர் வெங்கட் பிரபு. இப்போது சென்னை கோவளம் பகுதியில் முக்கியமானக் காட்சிகள் படமாக்கப்பட்டு வருகின்றன.
இந்நிலையில் இந்த படத்தின் டிஜிட்டல் உரிமை வியாபாரம் பற்றிய தகவல் ஒன்று வெளியாகியுள்ளது. படத்தின் தென்னிந்திய ஓடிடி உரிமையை 125 கோடி ரூபாய்க்கு விற்க தயாரிப்பு நிறுவனம் பேச்சுவார்த்தையை தொடங்கியுள்ளதாம். லியோ படத்தின் ஒட்டுமொத்த இந்திய உரிமையும் அவ்வளவு தொகைக்குதான் விற்கப்பட்டது என்பது குறிப்பிடத்தக்கது.
