அமரன் முன்பே ரிலீஸ் ஆகியிருந்தால் உன் படத்தில் நடித்திருப்பேன்.. ராஜ்குமார் பெரியசாமியைப் பாராட்டிய விஜய்!
தமிழகத்தைச் சேர்ந்த ராணுவ அதிகாரியான மேஜர் முகுந்த் வரதராஜனின் வாழ்க்கை வரலாற்றை அடிப்படையாகக் கொண்டு, நடிகர் சிவகார்த்திகேயன் நடிப்பில் உருவான ‘அமரன்’ திரைப்படம் அக்டோபர் 31, தீபாவளி அன்று திரையரங்குகளில் வெளியானது.
தீபாவளியை முன்னிட்டு அமரன், பிரதர், பிளடி பெக்கர் மற்றும் லக்கி பாஸ்கர் ஆகிய படங்கள் வெளியானாலும் அதில் அமரன் மற்றும் லக்கி பாஸ்கர் ஆகிய படங்கள் மட்டுமே பாசிட்டிவ்வான விமர்சனங்களைப் பெற்றுள்ளன. இதுவரை சிவகார்த்திகேயனின் திரைவாழ்க்கையில் இல்லாத மிகப்பெரிய வெற்றிப்படமாக அமரன் அமைந்துள்ளது.
இதையடுத்து இந்த படத்தின் இயக்குனர் ராஜ்குமார் பெரியசாமியை சந்தித்த நடிகர் விஜய் பாராட்டியுள்ளார். அதில் “அமரன் படம் முன்பே ரிலீஸாகி இருந்தால் உன் இயக்கத்தில் நடித்திருப்பேன். ஆனால் இப்போது நிலைமை வேறு. படத்தைப் பற்றி நான் என்ன சொல்வது. அதான் உலகமே பாராட்டுகிறதே” எனக் கூறிப் பாராட்டியுள்ளார். இதை ராஜ்குமார் ஒரு நேர்காணலில் பகிர்ந்துள்ளார்.
